შემომწირველები

შემომწირველები

2021 წლის 23 თებერვალს ააიპ „ზოოლოგიური ცენტრი“-ს დამფუძნებელმა სოსო ჯიქურიშვილმა და ააიპ „საქართველოს ცხოველთა დაცვისა და გადარჩენის საზოგადოება“ – GSPSA-ს  თავმჯდომარემ თეიმურაზ წიქორიძემ ხელი მოაწერეს ხელშეკრულებას გრანტის მიღების, გაცემის და გამოყენების თაობაზე. ხელშეკრულების თანახმად GSPSA-, როგორც დონორმა ორგანიზაციამმიზნობრივი ფინანსური დახმარება 5000 ლარის ოდენობით  გადმოურიცხა ჩვენს ორგანიზაციას  დაობლებული პატარა ბელებისთვის 150 კვ.მ. ფართზე ვოლიერის მოსაწყობად. „ზოოლოგიურმა ცენტრმა“ დათვების გადარჩენის და დახმარების მიზნით თავისი არსებობის მანძილზე პირველად მიიღო მიზნობრივი დაფინანსება გრანტის სახით.

„ზოოლოგიური ცენტრი“ მადლობას უცხადებს  პარტნიორ ორგანიზაციას -„საქართველოს ცხოველთა დაცვისა და გადარჩენის საზოგადოებას“.

 


ბიზნესმენ თამაზ ელიზბარაშვილმა  2016, 2017 წლებში “დათვების თავშესაფარში” საკუთარი ფინანსებით  მოაწყო სტანდარტებით გათვალისწინებული ვოლიერი და სხვადასხვა რეგიონში მძიმე მდგომარეობაში მყოფი რამდენიმე ტყვე დათვი  გადმოიყვანა,  ცხოველთამოყვარული ბიზნესმენი  პერიოდულად ეხმარება “დათვების თავშესაფარს”.


 

რიკოთის უღელტეხილზე მდებარე რესტორან „ედემის ბაღში“ მძიმე პირობებში დატყვევებული 21 წლის დათვი სახელად „მაშას“ უკვე  „დათვების თავშესაფარშია“. მაშასთვის „დათვების დავშესაფარში“ სტანდარტული ვოლიერის მოწყობა და მისთვის ნახევრად ბუნებრივი პირობების შექმნა  ავსტრიელმა მეცო-სოპრანომ  Yvonne Manfreda დააფინანსა. დიდი მადლობა მას გულისხმიერებისა და თანადგომისთვის.