თავშესაფრის ცხოველები

მურა დათვები  სახელად  ბალუ  და ფოლა, მამრობითი სქესის. დაბადების თარიღი 2010 წელი

თავშესაფარში მოხვედრის მიზეზი:

დათვის ბელები სახელად ბალუ და ფოლას 2010 წელს ქალაქ ბორჯომში ბრაკონიერებმა მოუკლეს დედა და ბელები წამოიყვანეს გასაყიდათ! ბელები იმდენად პატარები იყვნენ, რომ მყიდველმა ვერ შეძლო მათი გამოზრდა და მოგვმართა თავშესაფარს. თავშესაფარში იმავე დღეს ჩავიბარეთ ბელები, რთული და ხანგრძლივი პერიოდი დაგვჭირდა მათი გადარჩენის და გამოზრდისთვის. ბელები დამოუკიდებლად ვერ ჭამდნენ და დაგვჭირდა საწოვარის გამოყენება რამდენიმე თვე. ამ პერიოდში კი ბელები ძალიან დამოკიდებულები გახდნენ ადამიანების მიმართ და მათი რეაბილიტაცია ვერ შევძელით, ამიტომ აგრძელებენ თავშესაფარში ცხოვრებას.


მურა დათვი სახელად ლელა, მდედრობითი სქესის. დაბადების თარიღი 2009 წელი

თავშესაფარში მოხვედრის მიზეზი:

დათვი ლელა, მასაც, როგორც სხვა დათვებს მძიმე და ხანგძლივი ცხოვრება ჰქონდა. დათვი ყაზბეგში მოსახლეობას ჰყავდა ეზოში დატყვევებული.  მცირე ზომის ვოლიერში 9 წელი იმყოფებოდა, როგორც გვიამბეს დათვს იყენებდნენ ტურისტების გასართობად  და ამაში თანხას იღებდნენ.  2018 წელს დათვს გარდაეცვალა პატრონი, რომელმაც 9 წელი ტანჯვაში გაატარებინა. დათვი დარჩა სრულიად მარტო, მშიერი და საშინელ ანტისანიტარიაში. მოგვმართეს დათვის გადასარჩენად თავშესაფარს. რამდენიმე დღეში დათვი გადმოვიყვანეთ თავშესაფარში, მძიმე ცხოვრების გამო დათვი ძალიან აგრესიული და არაადეკვატური იყო. თავშესაფარში მშვიდმა გარემომ და სტაბილურმა კვების რაციონმა დათვი დაამშვიდა,  შეეგუა ახალ საცხოვრებელ სივრცეს და დაუმეგობრდა დამხვედრ დათვებს.


მურა დათვები  სახელად  დავლიანე და გრეკო, მამრობითი სქესის. დაბადების თარიღი 2015 წელი

თავშესაფარში მოხვედრის მიზეზი:

დათვის ბელები დავლიანე და გრეკო 2015 წლის აპრილის თვეში მოგვაბარეს დათვების თავშესაფარში. ბელები 2 თვის ასაკში იმყოფებოდნენ, როგორც გვიამბეს რაჭისა და ტყიბულის ტყის პირას უპოვნიათ.  ბელები  ტრამვირებულები იყვნენ, ერთს თავი ჰქონდა დაზიანებული მეორეს კი უკანა კიდური. თავშესაფარში ბელებს განსაკუთრებით ვპატრონობდით, ესაჭიროებოდათ საათობრივი  კვება საწოვარით და მკურნალობა დაზიანებული ადგილების. სამწუხაროთ მათი ველურ ბუნებაში გაშვება ვერ შევძელით სხვადასხვა მიზეზების გამო და თავშესაფარში აგრძელებენ ცხოვრებას.


მურა დათვი სახელად მერაბა, მამრობითი სქესის. დაბადების თარიღი 2014 წელი

თავშესაფარში მოხვედრის მიზეზი:

დათვი სახელად მერაბა 2 წლის მანძილზე ქალაქ ახალციხეში მდებარე  რესტორანში ჰყავდათ დატყვევებული, რესტორნის სტუმრების გასართობა და მათი მოზიდვის მიზნით. დათვი მძიმე პირობებში იყო მოთავსებული და ამავდროულად კანის დავადება ჰქონდა, ამიტომ  2016 წელს გადავწყვიტეთ გადმოგვეყვანა „დათვების თავშესაფარში“  დათვი საკმაოდ აგრესიული და შეშინებული იყო, როგორც რესტორნის თანამშრომლები ყვებოდნენ  ხშირად ნასვამი სტუმრები დათვს აწვალებდნენ. დათვი რთული და მძიმე ცხოვრება გამოდა ადამიანებს აღარ ენდობა. თავშესაფრიში მაქსიმალურად შეუქმენით მშვიდი და თავისუფალი გარემო, ჩაუტარდა გამოკვევები და სწორი მკურნალობის შედეგად გამოჯამრთელდა.  ამ ეტაპზე სრულიად ჯამრთელი აგრძელებს თანაცხოვრებას სხვა დათვებთან ერთად.


მურა დათვი სახელად  ბუბუ, მამრობითი სქესის. დაბადების თარიღი 2015 წელი

  

თავშესაფარში მოხვედრის მიზეზი:

დათვი სახელად ბუბუ 2 წლის განმავლობაში გარდაბნის რაიონში მდებარე ქარხანის ეზოში ჰყავდათ  ძალიან მძიმე პირობებში. მცირე ზომის რკინა-ბეტონის ვოლიერში და საშინელ ანტისანიტარიაში მოთავსებული. ადგილობრივი მოსახლეობის ინფორმაციით დათვი გამუდმებით ბღაოდა, შიმშილის და წყურვილის გამო.  2017 წელს სასწრაფოდ გადავწყვიტეთ გადმოგვეყვანა დათვების თავშესაფარში. მიუხედავად მისი 2 წლიანი ტანჯვისა დათვი ძალიან თვინიერი და კონტაქტური  აღმოჩნდა მალევე დაუმეგობრდა თავშესაფარში დამხვედრ დათვებს.


მურა დათვი სახელად თინა, მდედრობითი სქესის.  დაბადების თარიღი 2009 წელი

თავშესაფარში მოხვედრის მიზეზი:

დათვი სახელად თინა 8 წლის განმავლობაში რუსთავში ერთერთ სახელმწიფო დაწესებულებაში მაღალჩინოსანს  ჰყავდა უკანონოდ დატყვევებული 15კვ.მ ვოლიერში. როგორც დაწესებულების თანამშრომლებმა გვიამბეს დათვი ერთი თვის ასაკიში მიუყვანიათ და მას შემდეგ იმყოფებოდა მცირე ზომის რკინა-ბეტონის  ვოლიერში.  რადგან დათვი ზრდასრულ ასაკში იმყოფებოდა მისი რეაბილიტაცია და ველურ ბუნებაში დაბრუნება შეუძლებელი იყო, ამიტომ 2017 წელს დათვის გადმოსაყვანად „დათვების თავშესაფარში” გამოინახა  ადგილი და შეიქმნა შესაფერისი პირობები,  სადაც  ის დღემდე აგრძელებს ცხოვრებას სხვა დათვებთან ერთად.


მურა დათვი სახელად მიშკა, მამრობითი სქესის. დაბადების თარიღი 2015 წელი

თავშესაფარში მოხვედრის მიზეზი:

დათვი სახელად მიშკა ქალაქ ზუგდიდში მოსახლეობა ჰყავდა დატყვევებული. ბელი ძაღლთან ერთად მცირე ზომის ვოლიერში ჰყავდათ გამოკეტილი 1 წლის  განმავლობაში. როგორც მოსახლეობამ გვიამბო რამდენიმე კვირის დათვის ბელი ბრაკონიერებმა მიუყვანეს გამოსაზრდელად და მას შემდეგ ჰყავდათ ასეთ პირობებში. 2016 წელს დათვის ბელი მოგვაბარეს თავსესაფარში, დათვის ბელს მოუვლელობის გამო სხვადასხვა  ფიზიკური დაზიანებები ჰქონდა და იმყოფებოდა მძიმე სტრეში, ამიტომ მისი რეაბილიტაცია და ველურ ბუნებაში დაბრუნება შეუძლებელი აღმოჩნდა. მიშკა დღემდე თავშესაფარში იმყოფება და აგრძელებს ცხოვრებას შესაფერის პირობებში.


მურა დათვი სახელად ვინი, მამრობითი სქესის. დაბადების თარიღი 2016 წელი

თავშესაფარში მოხვედრის მიზეზი:

დათვის ბელი სახელად ვინი, 2016 წელს 2 თვის ასაკში ბეთანიის მოსახლეობამ მოგვაბარა თავშესაფარში. გვიამბეს, რომ დათვის ბელი უპოვნიათ გზაზე, ტყის პირას უპატრონოდ მიტოვებული. ჩვენი ინფორმაციით,  ბეთანიის ტყეში დათვი არ ბინადრობს და ფიზიკურად ბელი ტყიდან ვერ გამოვიდოდა. ჩვენი ვარაუდით ბელს დედა მოუკლეს და  გასართობად წამოიყვანეს დროებით  სახლში.  დათვის ბელი 2 თვის ასაკში იმყოფებოდა და მისი გამოზრდა საწოვარით მოგვიწია, ბელის გამოზრდაში გვეხმარებოდა თავშესაფრის თანამშრომლის ძაღლი. დათვი დღემდე თავშესაფარში ცხოვრობს სხვა დათვებთან  და მის გამზრდელ ძაღლთან ერთად.


მურა დათვი სახელად მაშა, მდედრობითი სქესის. დაბადების თარიღი 1998 წელი

თავშესაფარში მოხვედრის მიზეზი:

დათვი სახელად მაშა, ყველაზე ასაკოვანი დათვია თვშესაფარში 22 წლის. დათვი რიკოთის უღელთეხილზე მდებარე რესტორანში ჰყავდათ რკინა-ბეტონის ვოლიერში მოთავსებული, რესტორნის თანამშრომლები ამბობდნენ, რომ ის რამდენიმე თვის ასაკში მოათავსეს ამ ვოლიერში და მას შემდეგ 21 წლის განმავლობაში რესტორნის სტუმრების გართობას ემსახურებოდა. დათვის მძიმე პირობებში მოთავსებასთან ერთად მას გამუდმებით ალკოხოლურ სასმელებს ასმევდნენ და შეუფერებელ საკვებს აჭმევდნენ.  2018 წელს დათვი გადმოვიყვანეთ დათვების თავშესაფარში მისთვის სპეციალურად მოწყობილ ნახევრად ბუნებრივ პირობებში. მაშა ძალიან რთულად შეეგუა დათვებს და დიდ სივრცეს, რადგან თითქმის მის მეხსიერებაში აღარ არსებობდა თავისუფლება.


მურა დათვი სახელად დუჩე, მამრობითი სქესის. დაბადების თარიღი 2016 წელი

 

თავშესაფარში მოხვედრის მიზეზი:

დათვი დუჩინა, კახეთის რაიონში სოფელ წინანდალში ჰყავდათ მოსახლეობას ეზოში ჯაჭვით დაბმული, როგორც გვიამბეს 3 კვირის ბელი ბრაკონიერებმა აჩუქეს. ბელი ძალიან შეშინებული და დასტრესილი იყო, რადგან ვერ ეგუებოდა დაბმას და შეუფერებელ პირობებს, ამიტომ საკვებს არ ჭამდა. რამდენიმე კვირიანი შიმშილის და სტრესის შემდეგ მოგვაბარეს თავშესაფარში. ბელი ძალიან გამხდარი იყო და ჰქონდა მწვავე კუჭნაწლავის ანთება. თავშესაფარში ბელი მოვათავშეთ მშვიდ ადგილას და სპეციალური საკვებით გამოვზარდეთ, დღეს ის თავშესაფარში თითქმის ყველა დათვზე ლამაზია და აგრძლელებს მშვიდათ ცხოვრებას სხვა დათვებთან ერთად.


მურა დათვი სახელად ბელა, მდედრობითი სქესის. დაბადების თარიღი 2016 წელი

თავშესაფარში მოხვედრის მიზეზი:

დათვი ბელა 1 თვის ასაკში უპოვნიათ სამტრედიის რაიონში ტყის პირას და გასართობად წამოუყვანიათ სახლში.  3 წლის განმავლობაშ ჯაჭვით ყავდათ დაბმული, სახლის სარდაფში. როგორც გვიამბეს დედა დათვი მოკლეს  და ბელი ვერ გაიმეტეს მოსაკლავად. 3 წლიანი რთული ცხოვრების შემდეგ მოგვმართეს თავშესაფარს, რომ დათვი ჩაგვებარებინა.  2019 წელს დათვი გადმოვიყვანეთ თავშესაფარში, ძალიან გამხდარი და აგრესიული იყო, მიუხედავად იმისა, რომ 3 წელი დაბმული იმყოფებოდა დათვი ვერ შეეგუა ასეთ მძიმე პირობებს.  თავშესაფარში დიდმა სივრცემ და ბევრმა გასართობმა დათვი დაამშვიდა, დაუმეგობრდა დათვებს და ადვილად შეეგუა ახალ ცხოვრებას.


მურა  დათვები  მამრობითი და მდედრობითი  სქესის.  დაბადების თარიღი 2019 წელი.

 

თავშესაფარში მოხვედრის მიზეზი:

დათვის ბელები თავშესაფარში 2019 წლის ივლისის თვეში მოგვაბარეს. როგორც გვიამბეს ბელებს 2 თვის ასაკში დედა მოუკლეს ბრაკონიერებმა და ველურ ბუნებიდან იზულებით წამოიყვანეს. თავშესაფარში მოხვედრამდე ბელებმა მძიმე ცხოვრება გამოიარეს, ბრაკონიერემბა გააჩუქეს ან გაყიდეს  რესტორნის მეპატრონეზე. მფლობელემა ბელები რესტორნის ტერიტორიაზე  მოათავსა რკინა-ბეტონით მოწყობილ ოთხაში. ბელემბა რამდენიმე თვე გაატარეს შეუფერებელ და აუტანელ პირობებში ცხოვრება. მოგვიანებით გარემოსდაცვის სამინისტროს ზედამხედველობამ ბელები ჩამოართვა რესტორანს და მოგვაბარეს თავშესაფარში. მას შემდეგ თავშესაფარი ზრუნავს მათვ მოვლა-პატრონობაზე ყველა სტანდარტების გათვალისწინებით.